Har(HRG)- Labada xisbi Mucaarid ee KULMIYE iyo UCID, ayaa ku heshiiyay sidii ay u qaadan lahaayeen kaalin Mucaaradnimo
oo mid ah, taas oo ay sheegeen inay tahay mid loogu adeegayo danta Qaranka. Sidaas waxa lagu cadeeyay War Murtiyeed Maanta
soo baxay oo ay si wada jir ah ugu saxeexnaayeen labada guddoomiye ee KULMIYE iyo UCID Md. Axmed Maxamed Siilaanyo iyo Md.
Faysal Cali Waraabe.
War Murtiyeedka ay labada xisbi soo wada saareen oo koobnaa waxa uu u qornaa sidan.
“Iyada
oo laga duulayo dareenka shacbiga Somaliland ee doorashadii Golaha Wakiilada Somaliland ee 2005 iyo kalsoonida ay siiyeen
xisbiyada Mucaaridka ah ee UCID iyo KULMIYE, iyada oo ay lagama maarmaan u tahay habsami u socodka hawlaha qaranka in la helo
xukuumad iyo Asxaab Mucaarid (Check and Balance) oo shaqada isku hubiya gacana isku siiya sugida saraynta sharciga iyo Horumarinta
dalka.
Waxa ay labada xisbi Qaran ee UCID iyo KUYLMIYE ku heshiiyeen inay iska kaashadaan sidii ay u qaadan lahaayeen kaalin
Mucaaradinim oo ah mid loogu adeegayo danta qaranka loona hirgelin lahaa himilada umadda ee codkooda ku bixiyay amaan iyo
xasilooni.”.
Muddooyinkan dambe waxa labada xisbi ee KULMIYE iyo UCID u socday wada hadalo, kuwaas oo Warsxaafadeedkani
uu yahay midhihii u horeeyay ee ka soo baxa wada hadaladoodii.
